(१) दफा २२ बमोजिम परेको उजुरी उपर छानबिन गरी उपभोक्तालाई पुग्न गएको हानी नोक्सानी बापत क्षतिपूर्ति दिलाउनको निमित्त प्रत्येक जिल्लामा देहाय बमोजिम एक क्षतिपूर्ति समितिको गठन हुनेछ –
(क) प्रमुख जिल्ला अधिकारी – अध्यक्ष
(ख) जिल्लान्यायधिवक्ता – सदस्य
(ग) जिल्ला मेडिकल अधिकृत – सदस्य
(घ) नेपाल सरकारले तोकेको जिल्ला उपभोक्ता
संस्थाको प्रतिनिधि – सदस्य
(ङ) प्रतिनिधि, जिल्ला उद्योग वाणिज्य संघ – सदस्य
(च) नेपाल सरकारले तोकेको अभिकृत – सदस्य–सचिव
(२) क्षतिपूर्ति समितिले क्षतिपूर्तिका सम्बन्धमा परेको उजुरीमा तोकिएको
अवधिभित्र निर्णय गर्नु पर्नेछ र सो निर्णय गर्दा अपनाउनु पर्ने कार्यविधि तोकिए बमोजिम
हुनेछ ।